Айтаверса бети, ураверса эти қотар Халққа
зулм ўтказаётган диктаторларнинг ҳар қайсиси кўп қарғишланади ва
лаънатланади.Албатта улар бу каби лаънатланишга муносибдирлар.
Мен
ҳам кўп ёзганларимда Ўзбекистон зулмбошисини лаънатлаганман.Ҳозир ҳам
ватандошларнинг кўпчилиги азобу уқубатларда қолишганидан нолишларини
тингласам дикаторга нисбатан нафратим кучайгандан кучаяверади.
Унда-бунда
бошқа ОАВларида ҳам Каримовни лаънатланган асарларни ўқийманда сўнг
ўйга толаман:уни не сўзлар билан лаънатламадик экан, ҳатто айрим
ҳолларда ҳақорат ҳам қилдик.Аммо кеча-ю кундуз уни ҳақорат қилганимиз
билан одамларнинг аҳволи озгина бўлсада яхши томонга
ўзгардими?Айтмоқчиманки у зулмбошни лаънатлаганимиз сари халқнинг
аҳволи баттар бўлиб боряпти.Нега шундай?
Менимча бу саволга
ватандаги ҳолга бефарқ бўлмаган ҳар бир киши жавоб изласа ажабмас.Аммо
менинг назаримда эса кундан-кунга кун баттарлигини ҳамиша ҳам
ўйлайвермаяпмиз шекилли.Чунки лаънатлар ахир бир кун зулмбошга бориб
тегиши аниқ.Лекин бугун нега аҳвол ўзгармаяпти?Сабаби халқимизнинг
нақлида айтилган "айтаверса бети қотар, ураверса эти қотар" деган
нақлидагидай диктатор ҳам турли лаънатномалару сўкишларни эшитавериб
бети чармдан ҳам ўтиб қотиб кетмадимикан?Албатта қотиб кетган-да
дейсиз.Ва айни шундай ҳам.Демак бети-ю кети тенг бўлиб кетган зулмбошни
сўкавергандан одамларга наф бўлмагач нима қилиш керак?Менимча мана шу
савол атрофида чуқур мулоҳаза юритиб, амалий тадбирларга ўтиш
керак.Унда у кетди, бунда бу кетди каби ҳайбаракалла хабару ва бефойда
скайпемажлисларнинг кераги йўқ.Нима қилиш керак дейсизда?
Энг
биринчиси ёлғонларни тўхтатиш керак.Иккинчиси уч киши бир бўлиб
ташкилоту фирқачалар тузишни тўхтатиш керак.Ўзбекистонда бир-биридан
андоза олган каби фирқалар, гўё нодавлат-ноҳукумат ташкилотчалар
кўп.Улар гўё демократик жамият қуришнинг илғор йўлларини тарғиб қилиш
билан машғул.Аслида эса диктатурага хизмат қилади бари.Чунки барининг
жилови бир қўлда зўравон кучга айланган.
Ўзбекистон расмий
ҳукуматига мухолиф айрим "куч"ларчи?Агар уларни куч деб атаб бўлса нима
билан машғул?Учтаси уюшса учта уюшганга қарши учта қарши
уюшган.Натижада уччовлон уччовлонга гўё рақобатчи ва озгина манфаат
учун қирпичоқ бўлиб ётаверади.Ора-чора Каримовни сўкиб қўяди бас.Гўё
диктатурага қарши курашяпти.
Каримовку бўларича бўлиб шу ҳолича ўтиши аниқ бўлиб қолдм, аммо унинг нада сўз, нада мушт таъсир этмайдиган унга мухолифман дегувчи болачалари ҳам худди у каби ўзбошимчаликларига нима дейсиз?
