Ўзбек Ленин ёҳуд эшакнинг танигани шўра Ақл ёшда эмас бошда, бўладиган бола бошидан маълум сингари кўплаб ўзбекча нақллар, мақоллару маталлар бор.Уларни аллақанчаси ҳақда аввал ҳам мулоҳаза юритган эдик.Ҳар гал донишмандлар айтиб ўтиб кетган дурдона сўзларни эсларкансиз ҳаётдан унинг исботини топиб, нақадар доно ҳалқимиз бор, дея қайта- қайта эътироф этишдан тўхтамайсиз.
Бу гал "Ақл ёшда эмас бошда" нақлини ҳам бежиз ёдга олмадик.Сабаби кеча яқинда бир Ленинга ўхшаган қарияни кўриб қолдим.Бу ким бўлди экан, башараси жуда таниш , дея сал яқиндан синчиклаб қарасам доҳиёна сўзлаётган ҳалиги оқсоқол ўзбек экан.
Э. қойил.Яратганнинг заргарлигига қаранг, ўзбекдан ҳам бир Ленинни ясаб қўйибди- я.Фақат унга бир ҳайкал кам.Унгаям Ленинникига ўхшаш бир ҳайкал ўрнатилмаса бўлмайди.Чунки ўнг қўлиними ё чап қўлиними олдинга чўзиб "Ўзбек халқининг нажот йўли бу ёқда " деб кўрсатиб турган ўзбек ленинга ҳайкал қўймай кимга қўйиш керак?
Ҳа, ана энди ақл ёшдами ё бошда билиб олаверинг.Олтмиш йилми етмиш йил сокингина яшаб келиб қартайган пайтда бир думалаб Ленинга айланиш ҳар кимнинг ҳам қўлидан келаверсачи...Йўқ, келмайди.Ҳа, фақат ўша ўзбек Ленин бобонинг қўлидан келади холос.
Яна унга кимлар ва кимларнинг гаплари ёқади?Ана энди "эшакнинг танигани шўра" нақлига эътибор берилса тузук.Чунки ям- яшилгина яйловда ўтлаб юрган туппа- тузук эшак тупроққа бир юмалайдида ҳанграганча дунёни бузиб шўрага қараб югуради.Оббо эшакбаччая "ҳа, дуруст" деб тургандик бирдан айнади қолди денг.Боши гангиб аллақаёқларга қараб ўтлаб кетди.Бу ҳам ўша ҳозир айтаётганимиз ўзбек Ленин бобойнинг ўзгинаси.Тавба...
