"Озодлик" цензурасига қарши норозилик- Ўзбекистон диктатурасига ҳам қарши акциядир Оммавий ахборот воситалари орқали Бирдамлик ҳаракатининг "Озодлик" радиоси ўзбек бўлими цензурасига ва радиоходимлар ака- ука Бобожоновларнинг нохолис , нокамтар фаолиятлари ва тарафкашлик иллатларига барҳам бериш мақсадида бошлаган очлик намойишлари ҳақида хабарлар оқими тарқала бошлади.
-Очлик акциясини бошлаганимизга учинчи кун бўляпти.Намойишчилар ҳаммалари ўша низомимиздаги нозўравон ҳаракат билан демократия учун курашиш принципига кўра ташкилот рамзи туширилган оппоқ кийимбошларда туришибди.Швецияга ҳам, Прагада акция ўтказадиганларга ҳам шундай кийимлар жўнатгандик.Ўша кийимлар етиб борса уни кийиб у ёқда ҳам норозилик намойишларини бошлаш режалаштирилган эди.Аммо эшитишимга қараганда махсус кийимбошлар Швеция божхонасида тўхтатиб қолинибди.Мен у ёқдагиларга кийимсиз бўлса ҳам акцияни бошлайверинглар деб айтдим.
Бизнинг акциямиз Ўзбекистон диктатурасига қарши норозиликдир."Озодлик" радиосининг диктатура режимига ҳамоҳанглиги бизни ташвишлантиради албатта.
-Сизларнинг намойишингиз шунчаки намойишгина эмас балки очлик акцияси билан ўтказиляпти.Одамларнинг аҳволи қандай - сўраймиз суҳбатдошимиздан.
-Аҳвол оғир, сув ва бошқа нарсалардан бизни бу ерда жуда қисиб қуйишди.Ҳар онда полиция тинч намойишимизга ҳалақит беришга уриниб турибди.Мана ёнимда акция иштирокчиларидан энг кекса киши Ёдгор ота турибдилар у киши билан суҳбатлашинг. Шундай, дея Баҳодир Чориев телефонни мухолифат намоёндаларидан 73 ёшли Ёдгор ота Турлибековга берди.
Ёдгор ота билан ҳол -аҳвол сўрашар эканмиз, у ўзининг соғлигидан унчалик шикоят қилмасада овозидан ҳорғинлиги сезилиб турар эди.Ўтказилаётган акция ҳақида у киши буларни айтди.
-Сал бўлмаса Баҳодиржонни полициячилар олиб кетиб қолай деди.Ҳай-бай қилиб олиб қолдик.Бу ёқларнинг ҳавоси чатоқ экан.Гоҳ ёмғир, гоҳ қуёш чиқиб бироз қинйаяпти.Ҳаммаси ҳам майлию сувга ташналик бор.Бу ёқларда ҳам Тошкент ҳукумати келиб қолгандай муносабатларга ҳам дуч келяпмиз.Аммо акцияни то мақсадга эришмагунча тўхтатмаймиз.
Мухолифат фаолларининг очлик акцияси, айниқса ёши саксонга қараб кетаётган бир мўйсафид кишининг норозилиги ҳар қандай бағритошни ҳам эритиши керак.Ундан "Озодлик"чилар "Ота, нима гап" деб ҳол-аҳвол сўрамаганликлари у жойда ишлаётганларнинг одамларга муносабатларини акс эттирмаяптими?Нега радиораҳбарияти бу ҳолга бефарқ?
Шу ва шу каби саволларга жавоб олиш учун радиоэшиттиришлар бош идораси жойлашган Прагага сим қоқдик.Телефонни радио директори Сожидахоним Жаъфарова кўтардилар.
Салом берганимиздан сўнг, кимсиз деб сўради у киши.Мен исми шарифимни айтгач:
-Алё, алё мен сизни эшитмаяпман -дея Сожидахоним билан алоқа узилди.Бизнинг у кишига боғланиш учун бир неча бор қилган ҳаракатларимиз худди Ўзбекистон расмийларига боғланиш қийин бўлгандай самарасиз якунланди.
Вашингтонда эса "Озодлик" радиоси ўзбек бўлими фаолиятига , унинг тарафкаш ходимлари ака- ука Бобожоновларга қарши акция эса ҳамон давом этмоқда. Ризо Обид
Суратларда:Вашингтонда "Озодлик" радиоси ўзбек бўлими фаолиятига қарши бошланган норозилик акциясидан лавҳалар акс этган.
