Uznews.net саҳифаси муҳарририга

Маълумки “Бирдамлик” ҳарактаи фаоллари Вашингтондаги “Озодлик” офиси ва Стокҳолмдаги АҚШ элчихонаси ёнида 10 дан 14 августга қадар очлик ва пикет кўринишидаги норозилик намойиши ўтказишди. Бу акцияни ўтказишдан мақсад Ўзбекистонда ва мамлакат ташқарисида фаолият кўрсатаётган бир қанча мухолифат фаолларига нисбатан цензурани тўхтатиш эди.

Бу акция тўғрисидаги маълумотлар www.ferghana.ru, www.yangidunyo.com, www.rizobek.ucoz.ru ва бошқа интернет сайтларда холис ёритиб борилди. Бу сайтларда шунингдек ўзбек мухолифати фаолларининг мазкур акцияга нисбатан фикрлари ҳам эълон қилинди. Таъкидлаб ўтиш жойизки, мухолифатчиларнинг фикрлари турли хил эди, уларнинг ҳаммаси ҳам бўлиб ўтган акцияни ёқлаб гапиргани йўқ.   Лекин сизнинг www.uznews.net ва www.ponauz.com сайтларида нафақат “Бирдамлик”чилар, балки бошқа ўзбек мухолифатчилари шаънига очиқдан очиқ хусумат, туҳмат ва ҳақоратга мақолалар эълон қилинди.

Сизнинг сайтингизда 2009 йилнинг 14 августида босилган “Вашингтон “Озодлиги” ҳали бунақасини кўрмаган!” мақоласида “Бирдамлик” ҳаракати фаолларининг нафақат ўз ташкилотлари аъзолари, балки бутун мухолифатчиларга нисбатан цензурани тўхтатиш талаби билан ўтказган акциясига нисбатан ишончсизлик ва шубҳа уйғотиш устувор мақсад қилиб олинган. Мана сиз нима деб ёзмоқдасиз: “Вашингтондаги «Озодлик»ка қарши пикет, агар жиддий айтадиган бўлсак, Ўзбекистон мухолифат ҳаракатининг интеллектуал инқирозидан дарак бермоқда…” Бу мақолада сиз журналист сифатида ўз ақлий ҳолатингизни қанақа эканлигини очиқ кўрсатибсиз ва биз бу ҳақда кейинроқ тўхталамиз.  Бошқа “ақлий бўҳронга учраган Ўзбекистон мухолифати ҳаракатлари” биз ишонамизки сизга ўз жавобларини беришади.

Сизни мақолангизда шундай фикрлар бор: “Кеча Стокгольмда ҳаракатнинг бошқа бир аъзоси Юсуф Расулов плакат ёзиб, унда «Озодлик» журналистларини Ислом Каримов диктатурасига хизмат қилаётганликда айблади”.

Биз расман баёнот берамиз, Юсуф Расулов ҳеч қачон “Бирдамлик”ка аъзо бўлмаган. У бир муддат вақт “Бирдамлик” Матбуот Марказини бошқарган холос. Афтидан, сизни муҳаррирингиз унга қарши буюртма мақола моҳиятини тушуниб етмаган. Юсуф Расулов Стокҳолмда бўлган пикетда иштирок этмаган ва ҳеч қанақа плакат ушлаб турмаган. Пикет иштирокчилари ва уларнинг таркиби суратлар билан “Янги Дунё” саҳифасида эълон қилинган.  (Манба:  http://yangidunyo.com/Архив/5808).

 
Кўриб турганингиздек, бу мақола далилларга асосланмаган, сайтингиз муҳаррири Галима Бухарбаевани “Бирдамлик” ҳаракати ва бошқа барча ўзбек мухолифати ташкилотларини атайин  ёмон отлиқ қилиш мақсадида ёзилган.

Шулардан келиб чиққан ҳолда “Бирдамлик” ҳаракати сизнинг сайтингиздан  журналистика этикасига зид ҳолда тарқатилган туҳмат ва ҳақоратлар учун жамоатчилик олдида кечирим сўрашини талаб қиламиз.

Ҳурмат билан “Бирдамлик” ҳаракати етакчиси Б. Чориев.

2009.08.16
Бу мактуб Галима Бухарбаевага юборилган эди, бироқ www.uznews.net саҳифасида эълон қилинмади.