Ўзбек болшовойлар ҳам байрам қилишяптими? 7 ноябр - Ленин бошчилигида болшевиклар инқилоб қилиб, шўролар ҳукуматига асос солган кун сифатида тарихга ёзилган.
Кейинчалик шу партия сиёсати билан бир иттифоққа бирлашган мамлакатлар, орадан 70 йилдан кўпроқ вақт ўтиб, қайта ажрашдилар.
Бугун
Московда бўлиб ўтаётган инқилоб байрами тантаналари ҳақда Россия
телевидениеси орқали ахборотни кўриб туриб, кўнглимдан ўтган гапларни
қаламга олишга ҳаракат қилдим.
Россиядаги коммунистлар ўз
эътиқодларига содиқ ҳолда Ленин фирқаси ғалабасини байрам қилишда давом
этмишмоқда.Уларнинг раҳбари Геннадий Зюганов комфирқа албатта яна
ҳокимиятни олишига ишонишини таъкидлаб келмоқда.Ҳўп, уларку очиқчасига
ўз ғояларига содиқ қолишаётган экан, ўзбекистонлик коммунистлар қандай?
Ўзбекистонлик
собиқ коммунистлар ўзларини аллақачон демократ тўнига ўраб
кўрсатишаётган бўлишсада, қилмишлари ва қидирмишлари билан асл
нусхаларини фош этиб туришганини кўриш қийин эмас.
Ўша кўп бор
айтилаётгандай Ўзбекистонда геноцид деб ҳисоблаш мумкин бўлган
ҳолатнинг етти кўриниши мавжуд.Бунинг сабаби ҳукумат теппасида
демократлик даъвосидаги қалбан коммунистлар ўтирганлигида.
Диктатурага
қарши мухолифлар борку, нега улар ўзбек жамиятида ислоҳотлар
ўтказилишига эриша олмайдилар, деган савол туғилиши табиий.Жавоби эса
ғоят оддий.Чунки, диктатурага ўзини мухолиф сановчиларнинг кўпчилиги
ҳам аслида қалбан коммунистлардир.Балки шунинг учун ҳам Ўзбекистон
диктатураси яшовчандир?Албатта бу жуда узоқ мулоҳаза ва мушоҳада
юритилиши керак бўлган мунозарали мавзу.
Бироқ, бугун 7 ноябр
куни биз ушбуни иншо этиб, миллат ва мамлакатлар бошига фалокат бўлиб
келган инқилоб "қора кун" эканини эслаб ўтирган чоғимиз, Россиядаги
қалбан фирқадошларига ҳамоҳанг дунёнинг аллақаерларидаги ўзбекистонлик
қўмминистлар ҳам бирор- бир баҳона билан гўё демократик тўнни ёпиниб,
байрам қилишаётган бўлишсачи?
Бу энди бошқа мавзу.Кези келганда у ҳақда ҳам гаплашармиз. Ризо Обид
