Статистика
Онлайн всего: 1 Гостей: 1 Пользователей: 0
|
Главная » 2009 » Ноябрь » 14 » Замондош ёшлар ижодидан
10.57.16 Замондош ёшлар ижодидан |
Ишончим-булутни қуваётган қуёш
АДАБИЁТ МУАЛЛИМИГА!
Бизни алдадингиз, муаллим, нега!?
Бугун биз улғайиб вояга етдик.
Қорда яланг оёқ юрган боладай,
Дунёни беғубор, бенуқсон кўрдик.
"Ёмонлар яшамас, яхши муродли",
Эртаклар муродга етар дедингиз.
Неки ёмон бўлса, букилди, синди,
Бу ёғига гўзал замон дедингиз.
Оқ қуш каби эркин парвозларингиз,
Кўкларни тутади, учинг дедингиз.
Қўлингизни чўзинг, етар фалакка,
Оппоқ орзуларни қучинг дедингиз.
Келажак сизники, олам сизники,
Сиз уни безатинг, қуринг дедингиз.
Энг улуғ тилагим сизларга, болам,
Дунёни бенуқсон кўринг дедингиз.
Бизни кузатдингиз, улуғ муаллим,
Бу алдов сўзингиз, оқ тилагингиз.
Яшамоқ курашдир-яшамоқ қийин,
Дунёни безамоқ ундан-да қийин.
УМИД ОСТОНАСИДА...
Бу силлиқ ёлғонлар тегди жонимга,
Сохта жилмайишдан мен жуда тўйдим.
Сени излаяпман, келгин бағримга,
Ҳақиқат кўзлаган мусаффо туйғум.
Тирикман. Ёруғдир дардиму Севгим,
Кел, қўшма феълингга ғаразу фириб,
Ишончим-булутни қуваётган қуёш,
Сени чорлаяпман кўксимни кериб.
Хурсандой
|
|
Жойлади: Админ
|
Добавлять комментарии могут только зарегистрированные пользователи. [ Регистрация | Вход ] |
|