Йулдош аканинг орзу-хаваси нихоят ушалиб, кушни кишлокдан келин олди. Яхшилаб туй килиб берди.. Туй эртаси "юз очди"да унинг олдига келинни олиб келишди. - Мана, дадаси келинингиз!

Йулдош ака келинига бахт тилаб, унинг юзини очди.

Шунда унинг бошидан совук сув куйгандай булиб сесканиб кетди. Бу уша... эди.

...Йулдош ака бугдойдан бушаган ерга дехкончилик килган эди. Экин пишган кезларда пайкалга эгри кул оралаганини сезиб колди. Пойлаб бир йигитчани ушлади. Сунгра хаёлида "ота-онасига курсатсам бундай номаъкул ишларни такрорламас" деган фикрда йигитчани уйига олиб бориб, булган вокеани унинг онасига айтди. Шу пайт оиланинг кизи келиб колди-да онасига "Бу чол тухмат киляпти, акам мен билан бирга эди", деб Йулдош акани хакоратлаб, уйидан итариб чикарди. Юрагини огритган уша бехаё киз хозир келин сифатида каршисида турарди.

Йулдош ака узини кулга олди. Ички изтиробларини хеч кимга билдирмаган холда келинга яхши тилаклар билдирди.

Кейинчалик унинг кулогига "келиннинг ака-укалари угри" деган гаплар етиб келди. Лекин эътибор килмади. Орадан кунлар утаверди. Бир куни Йулдош ака келин туширилган уй олдига экилган гулзорга сув тузади. Шунда гуллар тагида хали пишмаган хом гилосларнинг сочилиб ётганига кузи тушиб, хайрон булди. Кизик, уйда ёш болалар булмаса, ким узди экан бу гилосларни?

Уша куни Йулдош ака эртарок ётган булса-да алла махалгача ухлолмади. У ён-бу ёнга агдарилиб ётди. Шу пайт дарвоза томондан бугик такиллаш эшитилди. Чол кизиксиниб деразадан ховлига каради. Келини оёк учида юриб дарвозадан чикиб кетяпти. Ахир, у ярим тунда каерга боради? Кунглида гулгула пайдо булди. Аста урнидан туриб товуш чикармай кучага чикди. Кучанинг нариги томонидаги тутзордан шивирлаган овоз келарди. Йулдош ака яшириниб, уша томонга якинлашди. Не куз билан курсинки, келини бегона эркак билан турарди. Кайнота шу кезда узини тутолмай колди, бор овози билан "Ха, падарингга лаънат, бузуки!" - деб кичкирди. Сунгра жазман хом гилосни деразага отиб, келинини чакирганлигини фахмлади. Демак, улар олдин хам учрашиб туришар экан-да!

Йулдош ака тунги вокеани эрталаб дастурхон килмай ишга кетди. Ишдан кайтганда эса ховлида бесаранжомликка дуч келди. Кампири уни куриши билан бобиллаб кетди:

- Вой, каримай улгур, имонсиз! Энди кандай бош кутариб юраман, кудаларим, куёвларим олдида шарманда булдим! Чол улгур, углингга нима дейсан? Кизларинг олдида кандай юрасан жувонмарг? Хеч жахонда кайнота келинига тажовуз киладими?

Бу келиннинг "курккан олдин мушт кутарар" тарзидаги тухмати эди. Лекин у хозир кампирини гапдан тухтата олмади. Йулдош акани кучли ток ургандай булди. Куз олди коронгулашиб, мадорсиз йикилди, хушидан кетди.

Уша куни хизмат сафаридан кайтган угли хали ота билан учрашмай туриб хотинининг ёзгиришига дуч келган ва отасидан нафратланиб турарди. Шу боис хозир ерда хушсиз ётган отани суямади хам. Унга газабланганча "бу уй менга харом" деб гудраниб кучага чикиб кетди.

Йулдош аканинг холидан хеч ким хабар олмади. У лаънатланган холда ерда анча ётди. Сунгра аранг урнидан туриб, кузларида тула ёш билан ховлидан чикиб кетди. У кучада базур оёк судраб бораркан, куп нарсани уйлади. Кейин бир узок дустини кора тортиб Жиззах вилоятига кетди. Чулда Йулдош акадек тентираб келиб колганларга хам иш топиларди. У дустининг ва бошкаларнинг томоркасида дехкончилик ишларини бажариб юраверди.

Ишдан кули бушаса хаёлига уйи, угли келади: у уйга кайтдимикин? Кайтмаган булса, каерларда юрибдийкин? Шошкалок, гап укмас кампири оила тебратишда кийналиб колмаяптимикин?

Орадан кунлар, ойлар утиб борарди. Келин уз уйида, кайнона уз уйида яшарди. Угилдан ва эрдан дарак йук эди. Келиннинг юриш-туриши тобора узгариб борар, айникса, ота-онасиникига катнови кучайган эди.

Куп утмай келин юкларини уз уйи - онасиникига олиб кетди. Аммо унинг нопок ишлари, ноурин тухмати жазосиз колмади. Аввал унга шундай тарбия берган онаси огир хасталикка чалиниб, вафот этди. Кейин эса узининг чап кулига яра чикиб, даво топмагач, кесиб ташланди. Камига бир кундаёк кузлари курмай, олам зулматга айланди.

Келин бу офатларга узи сабабчи эканлигини, унга кайнотасининг каргиши текканини сезиб, туртина-суртина кайнонасининг хузурига келди. Кайнотасига тухмат килганини тан олиб, тиз чукиб йиглади.

Вокеага тушунган кайнона углини топтириб келиб, деди:

- Отанг тухмат балосига учраган экан, углим... Тезда уни кидириб, топ!

Угил излай-излай отасини бир чекка кишлокда учратди. Узр сураб, уйга бошлаб келди.

Йулдош ака узок яшамади. Аммо улими олдидан Аллох таолога шукр айтди. Чунки, унинг елкасидаги тухмат тошлари улоктириб ташланган эди.