Bugun o'zbek uchun O'zbekistonda,
Bitta yuho doim olov purkaydi.
Lekin bolajonin sevgan millatim,
Ajdarning boshini yulib tashlaydi.

Askar bola sen ham o'zbek bolasi,
Andijonda otganing o'zingning onang.
Posbon bo'l,bo'lmagin millat olasi,
Bo'lgin yigit,degan nomingga monand.

Bir qonho'rni to'ydirgani choglangan mirshab,
Qancha tentiraysan so'qirga o'xshab?
Naxot sezmasanngga azobli ohni,
Ruhlar chinqirishib yotganin qaqshab?

Ko'zing och boshingda devning soyasi,
Ko'zing och mudrama o'zbek bolasi.
Yuragingga quloq os faryod etmoqda,
Shahidlar joni-yu ,go'dak nolasi.

Qani o'zbek,degan mard inilarim,
Do'ppini qayoqqa otib qo'ydingiz?
Bildingizmi yoki bilmadingizmi,
Amalga millatni sotib qo'ydingiz?

''Muhammad egnida yirtiq ko'ylakka,
Arzimas shohlarning qasru boyligi!''
Qo'zgaling o'zbegim,tanda jon bo'lsa,
Etar Ise degan shoh bedodligi!

Rizo Obid.