Сиз мухолифатни, мухолифат тарихини, мухолифатчиларни билмайдиган сўқир одам экансиз. Лекин мени танийсизку! “Америка овози”да қисқа вақт бўлса ҳам ишлаганимни жуда яхши биласизку! Шундай экан нега жамоатчиликни чалғитасиз?

Бундан ташқари ҳали менинг қариндошларимни Қашқадарёда МХХ қандай таъқибга олгани ҳақида ҳам бир қанча мақолалар яқинда ҳам чиққан эди. Балки ўша таъқибчилардан бири сизнинг қайнукангиз бўлса ҳам ажабмас.

Мен Демократик Ўзбекистон Конгрессига қачон ва кимлар томонидан раис ўринбосари этиб сайланганим ҳақида ДЎК сайтида маълумот турибди. Бу қадар ҳам ахмоқ бўлманг!

Бу ташкилотга сиз иғво ва бўҳтон қилаётган Жаҳонгир Муҳаммаддан ташқари ҳам жуда кўп одам аъзо ва сиз йиллардир бу ташкилотни ҳақорат қилиб келаётган эдингиз. Мана бугунга келиб сабаби очилиб қолди.

Мардлик , эркаклик қондан қонга ўтганидай, афсуски, сотқинлик ҳам қондан қонга ўтар экан , буни сизнинг мисолингиз ҳам курсатди. Демак, сотқинлик бир ирсий касаллик эканки, қўзғаган пайти, дўстми , яқинми, устозми фарқи йўқ сотавераркан.

Сулоласида МХХлар борлигини, ҳатто, МХХ дарҳогида “ таълим “ олган олий маълумотли жосуслар борлигини айтиб фахрланса, бунга ажабланмаслик керак. Ўртоқ Расулов , ростанам аждодларингиз билан фахрлансангиз арзир экан! Жуда мос тушибсизлар!

Умр йўлдошингиз ҳам, ҳақиқий йўлдош деганларича бор экан, мухолифатни қирғин қилган, қўлини мухолифат қонига белаган режимнинг бу қуроли ҳақида достон ёзинглар эди. Сарлавҳасини ҳам “Ватанга хизмат” деб қўйинглар. Авлодларингизга ўхшаб орденлар оласизлар!

Худди бир дуторнинг икки торидек сизлар, бирингииз МХХ “даргоҳида” илим олганмиз десангиз, бирингиз , “МХХ агентиман” дейсиз! Ана сизга замонавий достончилик! Эътироф қилиш билан ҳам чекланмасдан мана деб ўз ҳамкасбингизни сотишгача бориб, ҳатто кечириб сўраган бўлиб аслида “мана таниб олинглар” дегандек суратини ҳам қўйиб қўйибсиз. Оффарин!!!

Олов ичида ёнаётган бир “дўстингиз”ни устига бензин септингиз, бу унутилмайдиган “яхшилигингизни” мухолифатчилар эслаб юрадиган бўлишди.

Сизга айтадиган бир икки оғиз сўзим, мухолифатнинг ярасига туз сепишдан тийилинг, ҳақоратларни бас қилинг, унутмангки, кўза кунда эмас, кунида синади, бир кун келиб кўза синиб, синиқлари бир жойингизга ботиб қолиши мумкин.

Сиз билиб туриб, билмасликка олган׃

ЗОКИР АЛИ.