Яна ўзбек мухолифати ҳақида сўз айтишга тўғри келяпти.Чунки улар фаолиятига тегишли баҳо берилиши шарт назаримда. Шу кунларда Каримовдан безган одамлар,мухолифатнинг ҳам қўлидан ҳеч вақо келмаслигини билиб қолдилар. Нега десангиз вақт шунақанги билгучи неъмат эканки,у ўтган сайин ким нимага қодир кўрсатиб қўяверар экан. Ўзбекистонда мухолифатда бир имкон борлиги пайтда уни бой берилди.Энди диктатор илдизи мўрт бўлиб қолган ҳозирги даврга келиб,мухолифат лидериман,деяётганлар боши берк кўчага кириб қолган эсаларда танлаган йўлимиз тўғри,дея бошқаларни қўятуринг ўзларини-ўзлари ҳам алдашяпти. Биттаси ,ҳамма одамлар сайловга чиқмай бойкот қилиш керак,деган гапни айтди. Ё,тавба.Бу ҳеч иложи йўқ нарса биринчидан.Иккинчидан бу гапни айтаётган Каримовнинг кимлигини ё ҳалиям билмайди, ё бўлмаса ўзини гўлликка соляпганга ўхшайди. Каримов ҳар галгидай бу гал ҳам ҳеч қандай сайлов-пайлов ўтказмайди. Тахминан кунларнинг бирида то сайлов кунигача "кўчаларга одамлар чиқиб","Каримов умрбод раҳнамомиз бўлиб қолсин",дея талаб қила бошласа ёҳуд Парламент(Олий Мажлисда мингта эмас миллион депутат бўлса ҳам Каримов нима буюрса)шундай қарор чиқарилса ҳам ҳайратланишнинг кераги йўқ. Бу каби найрангни Туркманбоши ортидан Назарбоев ҳам кўрсатди.Каримов давом эттирса нима қила олардингиз. Энди бугунги Каримов қатағон режимидан фақатгина халқ ўзини-ўзи қутқара олади,дейилмоқда.Инқилоб қилиш керак,дейишяпти айримлар. Демак мухолифатбошларнинг умумий кескин бир стратегияси йўқ.Униси ундоқ дейди,буниси бундоқ дейди вақт эса ўтган сайин қатағон машинаси қирон келтиришда давом этаверади. Биз ҳозир четга қочмасак тирик қолмасдик деяётган "бош"ликка даъвогарнинг жони ширин,пахта экану бошқа оддий одамларнинг жони темирдан эканда-а,бундан келиб чиқади. Ўзбекистонда 5-10 чоғли у ҳам бўлса қуруқ аравани ҳар томонга қалдиратиб юрган,мухолифатчи отлиларни ўзлари-ю сал нари борса атрофидаги яна 5-10 ошналари билади холос. Хуллас айтаман,десангиз бир нақлдагидай:"гап кўп аммо кўмир оз". Мухолифат бирлашиб бир мушт бўлолмади,шунинг учун ҳам одамлар уларни хуш кўрмаяптилар.Буни эса "мухолифбош"лар тан олгилари келмаяпти.Нега?Ҳа,энди бу бошқа мавзу.
Яна ўзбек мухолифати ҳақида сўз айтишга тўғри келяпти.Чунки улар фаолиятига тегишли баҳо берилиши шарт назаримда.