Жаҳонгир Муҳаммад
Булбул битмас элда сайроқ Юсуфдир
Йилда бир байрамда гул бўлган она,
Қолган ўн икки ой қул бўлган она,
Ташвиш чақмоғидан ёнғинлар чиқиб,
Зулматнинг кафтида кул бўлган она.
Мардлари кетганда тул бўлган она,
Бозордан бозорга пул бўлган она,
Дардлари тегирмон тошидан оғир,
Юкларнинг остида дул бўлган она,
Сенинг
Унинг,
Менинг Онамдир.
***
Мани қадримға етганларни
Қадриға етгум бугун.
Мани хўрлаган гар Ватан эрса,
Юз буриб кетгум бугун!
***
Уларга таёқ керак, уларга ўқлов керак,
Юсуф Жума уларга етар терагинг йўқдир!
Уларга мақтов керак, уларга оқлов керак,
Юсуф Жума уларга сени керагинг йўқдир!
***
Булбул битмас элда сайроқ Юсуфдир,
Зулм бошин ёрган қайроқ Юсуфдир,
Ҳуррият деб йўлга чиққан маҳалда,
Тангри бизга берган байроқ Юсуфдир!
Вашингтон, 2004 йил.
|