Ўзбекистондаги
инсон ҳуқуқлари билан машғул бўлган, яқинда ҳибсдан озод этилган жасур
аёл, Марғилон шаҳридаги "Ўтюраклар клуби" раҳбари, Ҳалқаро Мартин
Энналс мукофоти совриндори Мўътабар Тожибоева кеча Холландга ташриф
буюрганди.
Амнести Интернационал Ҳалқаро ташкилоти Холланд
бўлими кўмагида ушбу мамлакатга келган Мўътабар Тожибоева кеча қатор
расмий ҳамда норасмий ташкилотлар вакиллари билан учрашувлар ўтказиб,
Ўзбекистондаги инсон ҳақлари аҳволи ҳақида сўзлаб берди.
Бугун
эса Мўътабар Тожибоева Хельсинки Ҳалқаро инсон ҳуқуқларини ҳимоя қилиш
ташкилотининг Холланд бўлими ташаббуси билан шу мамлакатда яшаётган
ўзбек ватандошлар билан дийдорлашиб, бир пиёла чой устида
Ўзбекистондаги бугунги вазият ҳақида қизғин суҳбатлар ўтказди.
Ватандошлар
аксарият Мўътабар Тожибоеванинг соғлиги ва сафар чоғи қийинчиликлари
ҳақида сўрашсада у эса инсон ҳақлари Ўзбекистонда ҳамон
топталаётганидан куюниб гапирди.У Аъзам Турғунов, Солижон
Абдураҳмоновларнинг узоқ йиллик қамоқ жазоларига тортилиши режимнинг
жамиятда демократик ўзгаришларга йўл очишга мутлақо интилмаётганидан
дарак.Бу эса ғоят ачинарлидир, деди.
Ватандошлар Мўътабар
Тожибоевадан яна қўш хушхабар эшитдилар.Унинг ўзининг айтишича Мўътабар
Тожибоева Франция мамлакатининг "Тинчлик кабутари", АҚШ Давлат
департаментининг эса "Энг жасур аёлга" мукофотларига номзоди тавсия
этилган.
Холландга ватаннинг бир муждаси, эпкинини олиб келган
Мўътабар Тожибоеванинг ҳам, уни кузатаётган ватандошлар кўзларида ҳам
ёш милтиллади.У эса:
-Сизларнинг ҳар бирингиз Ватанга албатта
бошингизни баланд кўтариб қайтиб боришга ҳақлисизлар ва шундай кун
келишига ишонаман - дея хайрлашди.
Суратда:Мўътабор Тожибоева Холланддаги ватандошлар ва ҳалқаро ташкилотлар вакиллари даврасида.
