Йил тўлди-ю, кўнгил тўлмади Мана, яна бир йил поёнига етиб, бошқа бир янгиси остонада турибди... Шу ҳақда ўйлар экансан ҳар бир янги кун, ҳар бир ҳамма ҳалқлар учун рамзий тантана этиладиган байрам шукуҳини туймайсан киши.Гарчанд гўё озод мамлакатда бошпана топган эсангда аслида эса ўзингни маҳкумдайин ҳис қиласан.Ҳа, буниси ҳам майли, ҳар не қилсада биласанки сенинг жонингга ҳар онда таҳдид соя ташлаб тургани йўқку.
Ватанда ҳақ учун курашган, курашаётган, керак бўлса жонини ҳам тикишга тайёр Юсуф Жума сингари буюк миллатдошларинг олдида бош эгкинг келади.Аммо сенда чора йўқ -ки уни зулмнинг ғоридан, аждарҳонинг оғзидан қутқариб олиб чиқолсанг...Мана нима учун йил тўлсада кўнгил тўлмади...
Бугун кўп мамлакатларда қорин тўйғазиш ҳақида қайғу йўқ.Менинг миллатдошларим эса ҳар куни боласига нон топиб беролмай бир сидрилса, байрам атоқли кунларда юз балки минг бор сидрилади.Шу ҳолда йил тўлганда қандай қилиб менинг кўнглим тўлсин?
Ўзбекистон аёлининг боши тавқи лаънату таъна тошларидан бутун жойи қолмади.Жаннати аёлларимизни ким истаса зўрлади, хўрлади.Тоғни талқон қилгудек норғул йигитларимизнинг орият олдида қадлари букилган.Бундай йил тўлганда қандай қилиб кўнгил тўлсин?Кўнгил аксинча йиғлайди, бўзлайди.
Бу ҳолни кўриб чидай олмаганингда кучинг кимга етади, деган савол келади шуурингга...Афсуски сен каби нотавон, миллати ҳолига ярашга масъуллик даъвосида-ю, аммо уларнинг ҳолига ярай олмаётган зиёлидан, демократ отлидан нолийсан, ранжийсан.Қанийди у зиёли сенинг куюнганингдан суюнса.Йўқ у бунинг ўрнига сендан душман ясаб зимдан пичоғини қайрайди.
Шуларни ўйлар эканман ўзимнингку умрим майли, аммо бошқа ватандошларимнинг умрлари хосиятсиз совурилганидан ачинаман.Шунинг учун, миллатдош ва ватандошларнинг кўргуликларига қараб туриб йил тўлсада кўнглим сира тўлмайди.
Аммо, ноумид шайтон деганларидай, ёруғ кунлар келиб, чинакам ҳурлик тонги отишига умид бор.Жумладан барча Ватандошларни ҳам келгуси йилда ана шу умид қилинган эзгу кун кутаётган бўлсин, дея тилак билдираман.
