ГУЛНОРА ОЛТИЕВА: Ислом Каримов, ЮСУФ ЖУМАНИ ОЗОД ЭТ!
 Бугун АҚШ пойтахтида сиёсий намойишлар бошлаган Ўзбекнинг миллий шоири Юсуф Жуманинг умр йўлдоши, жасур аёл Гулнора Олтиева “ТУРОНЗАМИН”га қуйидагиларни билдирди׃
-Биз плакатлар кўтариб Ўзбекистоннинг Вашингтондаги элчихонаси олдида турибмиз. Хорижий матбуот вакиллари келиб биздан суҳбатлар олишмоқда. Фредум Ҳоус ташкилотидан келиб бизни 13 Май куни бўладиган “Андижон׃ тўрт йилдан кейин” деган мажлисга таклиф қилишди. У ерда машҳур сенатор Жон Маккейн билан учрашамиз.
Ўша куни шунингдек, Демократик Ўзбекистон Конгреси томонидан Андижонда оламдан ўтганларни хотирлаб ўтказиладиган маросимига ҳам борамиз.
Намойишларимизни узлуксиз давом эттирмоқчимиз.
Бизга бу ердагилар жиддий муносабат кўрсатишар экан, Ўзбекистон элчихонаси вакиллари эса ташқарига ҳам чиқмай воқеаларни ичкаридан туриб суратга олишмоқда. Улар Ўзбекистонда қўлимдан плакатларни юлиб олардилар. Бу ерда эса бунга журъатлари йўқ.
|