Ўзбекистоннинг Вашингтондаги элчихонаси олдида Ўзбекнинг миллий шоири Юсуф Жума оиласи бошлатган пикет бугун ҳам давом этмоқда.
Кеча тушдан кейин уларнинг олдига Абдураҳим Пўлат ва Жаҳонгир Муҳаммад келишди ҳамда пикетчиларни маънавий қўллаб-қувватлашди.
Бугун ҳам пикетчиларни қўллаб уларнинг ёнида бўлган Жаҳонгир Муҳаммад уларни эртага Демократик Ўзбекистон Конгреси уюштирадиган хотира оқшомига таклиф этди.
ГУЛНОРА ОЛТИЕВА: Ислом Каримов, ЮСУФ ЖУМАНИ ОЗОД ЭТ!
Бугун АҚШ пойтахтида сиёсий намойишлар бошлаган Ўзбекнинг миллий шоири Юсуф Жуманинг умр йўлдоши, жасур аёл Гулнора Олтиева “ТУРОНЗАМИН”га қуйидагиларни билдирди׃
-Биз плакатлар кўтариб Ўзбекистоннинг Вашингтондаги элчихонаси олдида турибмиз. Хорижий матбуот вакиллари келиб биздан суҳбатлар олишмоқда. Фредум Ҳоус ташкилотидан келиб бизни 13 Май куни бўладиган “Андижон׃ тўрт йилдан кейин” деган мажлисга таклиф қилишди. У ерда машҳур сенатор Жон Маккейн билан учрашамиз.