Албатта айрим ҳоллар бундан мустасно.Масалан, оғир жиноятлар содир этгану аммо катта пора эвазига жазодан қутулиб қолиш ёки бўлмаса расмий ҳукумат идораларида бир умр лавозимдор бўлгану аммо охирги пайтларда зулмбошга ёқмай қолган, кучишлатар тизимларнинг юқори лавозимдорлари, бир сўз билан айтганда "қози муттаҳам бўлса арзингни кимга айтасан" дейилгандайлар қамалмай қолишлари мумкин.
Яна бир тоифалар бор.Улар ҳозирги даврда чет эл ОАВларда ишлаётгану Ўзбекистон прокуратураси ё МХХда опажонлари ёҳуд акахонлари борларнинг ўйнаши ёки бўлмаса яқинларидан бўлса ҳамкорликлари эвазига жазодан омон қолишлари мумкин.
Дилмурод Саййид эса ўзи айтгандай қонунларни ҳурмат қилгани учун қамалди.Бундан ташқари у "Эзгулик" фаоли бўлмаганда балки қамалмай қолармиди?
Яна ким билсин.Ўзбекистонда ҳамма нарса бўлиши мумкин.Қандай воқеа ё ҳодисот рўй бермасин одамлар ҳайратланмай қўйишган.
Аввал ҳам ёзганимиздек Д.Саййид бошида "қора булутлар" айлана бошлаган кезларда эса ҳамма гўё ҳеч нарса бўлмагандай жимжит эди.
