Kuyma ko'ngil,kuyganim bas bul falak bedodidin,
Kimsa ko’ngli topmas ozor, yig’lagan faryodidin,
Hamma sayyod bir nifoqiy olamin dardi bila,
Topmadim sayyodi dil man, khasta bo’ldim dodidin.

Asrasin o’lmakka sayd bu notavonlar kasrida,
Na emish dil javhari zartu zalolat qasrida,
Poradir dil bir siqim qum, bir kalom so’z basrida,
Kelmagay vahiyu - voqib olami arbobidin.

To’ldi ko’ngil kosasi, liq bitmadi toqatlarim,
Kimga oydinu, qorongu taqduri goratlarim,
Tushdimu dunyoyi yolg’onga manim hojatlarim.
Man tirik qoldim umidi ko’rganim mast khobidin.

Kelsa o’ng tole-yu taqdim, bo’ldiku parvona do’st,
Bir kalomu bebahoning ajrida so’zona do’st,
Eng birinchi manfatida ayladi vayrona do’st,
Ne kutarsan khasta ko’ngil, do’zzakhiy kazzobidin.

Etki dilni orzumand deb ... Davomini o'qing...

Bu falak bedodidin o'rtondi dil,
Yori agyor shevasiga qondi dil,
Ne navo qildi vale Sayyod Navo,
Yondi Odam,yondi Olam,yondi Dil.

* * *

Manim mulkim,manim so'zim - javharim,
So'zimning shu'lasi yongan ahgarim.
Inonmaki, o'lmas bu mulkni yitib
Dard mulkim,dardi olam mehvarim.

* * *

Bas ey makkor,gayri iymon istamam,
Bori fitna,bori yolgon istamam..
Menga onsiz ikki jahon istamam,
Insonmanam o'zga unvon istamam.

* * *

Kezib shoir tinglagay faryodlar,
Shoir tili o'z elidan dodlar.
Yorab!Bogboni yo'q,elboni yo'q,
Bori o'gri, kazzobu jallodlar.

* * *

Oncha gunoh,oncha shafqatdurur,yorab,
Oncha ziyon,oncha ragbatdurur,yorab,
Oncha qaygu,oncha rahmatdurur,yorab,
Oncha bunyod,oncha goratdurur,yorab.

* * *

Kuydi ochun,men uchun f ... Davomini o'qing...

Egatdan boshimni ko’tarsam agar,
Derdilar adabsiz Komilning qizi,
Menku bosh egmasdan, topdim ko’p khatar,
Egatlarda o’chdi kimning yulduzi.

O’sha kho’p bahavo, keng – keng dalalar,
Tanlarga kuch bo’lgan bir mahallari,
Yirtiq kavushda ham o’lmagan ular,
O’nta farzand ko’rgan davr onalari.

Qani o’n bolasi…Bittasi onam,
Hayot nima deya birov bir so’rsin,
Chiroq o’chib qolsa, tokchada shag’am,
Qozon qaynamasa nondan quymasin…

O khalqim…
Khalqim jannatisan, qalbdagi dog’im,
Bardoshdan boshqa yo’l topolmagan jon,
Sen beshikda yotib eshitgan ohim,
Tomirimda oqqan dardimsan hamon.

Tuying bakht, azang haq, ko’rganing zahmat,
O’ziga “Bek” khalqim, oziga “Khonim”
Umring risq g’amida otgani sayin,
Kuyib borar mening jonu – jahonim.

2004 yil

Og’lim Firdavsga.

Bir siqim yurakchang, entikar shodon,
Bugun quymoqchisan ilk qutlug’ qadam.
Holdan toydirmoqda meni hayajon,
Tomirlarim titrab ketmoqda bolam.

Sen yorug’ dunyoga kelgan bakhtli kun,
Senga nom tanladik arshi – a’lodan.
Jannat niholiday o’sding kun sayin,
Kamoling so’rayman har tong ollohdan.

Bugun kitobigni quchoqlab sahar,
Irg’ishlaysan maktab boraman deya.
Sen chiqqan olis yo’l bo’lsin bekhatar,
Ko’nglingga bir nopok solmasin soya.

Olam eshigiga kalit bu dargoh,
Sherday faqat oldga tashlagin qadam,
Dunyodan qalb ko’zing bilan bo’l ogoh,
Qaddingni “Khalqim” deb ko’targin bolam.

Umidim barq urgan bog’san azizm,
Har neki tilasang yetar imkoning,
Senday mard, senday sher o’g’lonlariga,
Intizordir ona O’zbekistoning.

2004 yil

Dilsora Fozilova

Yulduzlarga to’lgan bu oqshom,
nurdan libos kiygan bu oqshom.
Bakhting bo’lib kulgan bu oqshom,
Boshing uzra to’kadi viqor,
Oydin bo’lsin oy yuzing dildor…

Etgan ekan gulga gul buying,
Vaslingga qasd etdi bulbuling,
Yor –yorlardan boshlandi tuying,
Tinmasin bir umr shu yor – yor,
Oydin bo’lsin oy yuzing dildor…

Dilginangni titratdi nolang,
Oq fotiha berganda dadang,
Bundan ortiq bakht yo’qdir bilsang,
Bergan tuzin oqlagin nigor,
Oydin bo’lsin oy yuzing dildor…

Onajoning oq gulga o’rab,
Yaratgandan bakhtingni so’rab,
Oq sut uchun yorug yuz tilab,
Uzatmoqda yosh to’kib zor – zor,
Oydin bo’lsin oy yuzing dildor…

Muntazirdir tillo koshona,
Sen bosh urib kirar ostona,
Bo’layin deb senga parvona,
Yo’llaringga boqar intizor,
Oydin bo’lsin oy yuzing dildor…

Dilsora Fozilova

Kanada.