Абулфайз Баротов: Мен Аҳмаджон Мухторов ҳақида нималарни биламан (2)
Ахмаджон ака ишларди. Ишлаганда ҳам қаттиқ ишларди. У кишининг
бот-бот, “ҳозир ёшмиз, белимизда қувватимиз бор экан, ишлаб қолайлик,
қариганимизда ётиб дамимизни олаверамиз,”- деган гапларини ҳозир ҳам
эслаб тураман. У киши эрталаб соат 8.00 да ишга келар эди. (Таҳририятда
иш соат 9.00 да бошланарди). Номерга кетадиган ва захирадаги
материалларнинг 80 фойизини Ахмаджон ака кўриб берарди. У киши мавқейи
бўйича биринчи ўринбосар ҳисобланарди.