Xudoning ismini million takrorlab,
Shaytonga xizmatni to'xtatolmagan.
Bo'yniga mindirib,boshga ko'tarib,
Bir bora uzrini ayta olmagan.

U kim bo'ladi,ayting o'zingiz,
Shayton malayimi yoki musulmon?
Ey,xato so'zlading,deya ko'ringga,
Shod bo'lish o'rniga bo'ladi dushman.

Yana ko'kragiga uradi mushtin:
Men,men,menman deydi yolgiz to'griso'z.
Aqlli,donoman,deydi go'layib,
Hayhot, shu ham o'zbekmikan o'sha qorako'z?

Qaniydi tanimasam bundayinlarni,
Qaniydi bilmasam shundayinlarni.
Xizmati shaytonga malayligini,
Afsus bundaylarning talayligini.

Rizo Obid.

Ko'nglim hijil doim ranjitdim Sizni,
Aslida bu holni istamagandim.
Yo'limda duch kelgan qancha qizlarni,
Siz kabi bu qadar o'ksitmagandim.

Bilaman ko'nglingiz shundoq ham yarim,
Uni butunlashga yo'q menda imkon.
Sizsiz o'tayotir rangsiz kunlarim,
Shu bo'lsa kerakda:'' dunyo imtihon''.

Bugun tunda edim bedor bilsangiz,
Faqat Sizni o'ylab ottirdim tongni.
Ranju alamlarni unuting gulim,
Avf eting mendayin oshiq bedodni...

Bek.

Xollandga kelib bir muddat muhojirlar markazida yashagach,shu mamlakatning qoq o'rtasida joylashgan Maurik shaharchasidan bir o'zimga ikki qavatli uy berishdi.Muhojirlar markazida ancha-muncha o'zbeklar bo'lib,bir-birimizga issiq-sovugimizda dalda berib turar edik.Yangi yashash joyimda esa hech kimni tanimayman.Yangi do'stlar topguncha ancha qiynalsam kerak,degan o'y kechardi ko'nglimdan.Birinchidan xolland tilini tuzuk bilmayman,qolaversa bu mo'jazgina ,ammo go'zal shaxarchada biror Vatandosh yoki millatdoshni uchratishni xayol qilmasa ham bo'laveradi.Chunki muhojirlar markazi joylashgan, Maurikka nisbatan kattakon Amersfoort shahridada O'zbekistonliklar bo'lmagach , bu makonda qaerdan ham bo'lishsin.O'zimcha bu shaharchani o'zbeklardan birinchi bo'lib men kashf etgan bo'lsam kerak,deb o'yladim.Lekin,qo'shnilarim ozarboyjonlik oila bo'lib,ular ozar va rus tilida ... Davomini o'qing...